هدى يا مراكبى هدى

يامراكبى هدى

دالقمر قاعد جانبى

وقلبى بالحب متهنى

من فرحته بيغنى

طول عمره احلامه وردى

باللهفه والشوق كان مستنى

القمر فى يوم يزورنى

يشاور يكلمنى

النهارده قاعد جانبى

والنسيم بالعطر مندى

هدى يامراكبى هدى

ابعد ياحزن عنى

الليله قلبى بيرقص بيغنى

خدينى ياموجه خدينى

على شط الهوى وارمينى

خدينى لعالم تانى

كله حب واغانى

جانى حبيبى جانى

وفر وردك يابستانى

هااحتاج الورد ليه تانى

معايا الورد الربانى

راح تبيع لمين ياحزين

الفل والياسمين

دانا معايا ورد البساتين

استنى ياشمس استنى

على فين ياحلوة سارحه

ادينى من توبك طرحه

ادارى بيها الفرحه

من عيون العزول الجارحه

قمر ياالى فى السما عالى

ابعد سيبنى فى حالى

الليله ياقمرنا مش خالى

معايا حبيبى الغالى

قاعد جنبى

والنسيم بالعطر مندى

هدى

هدى

يامراكبى

هدى