طريقة عمل الفيشار بالكراميل للاطفال

انهاردة انا قريت طريقة عمل الفيشار بالكراميل وقولت ليه ما اكتبوش و نستفيد كلنا وبصراحة طعمه حلو اوى واحلى من الفيشار

العادى

المقادير

نص كوب حبوب الذرة بتاعة الفيشار
معلقتين عسل نحل
كوب الا ربع سكر
و 125 جرام زبدة

الطريقة

نعمل الفيشار بالطريقة العادية الى احنا عارفنها
وهى اننا نحط شوية زيت فى حلة وعليها حبوب الذرة و تترك على النار لحد لما الفيشار يتعمل
و بعدين نسيبه على جنب
و بعدين نخلط العسل مع السكر والزبدة على نار هادية من غير غطاء لحد ما السكر يذوب و يبتدى يغلى
ونصبع على الفيشار الجاهز و نخلطه كويس و لو حبينا نضيف فول سودانى ده اختيارى
و بعدين نفرده على صينية لحد ما السكر ينشف على الفيشار وبالهنا و الشفا